வாஷிங்டன்: ரஷ்ய ஜனாதிபதி விளாடிமிர் புடின் உடனான தனது முக்கிய சந்திப்பு தோல்வியடைந்தால், அதற்கான அறிகுறி என்னவென்பதை அமெரிக்க ஜனாதிபதி டொனால்ட் டிரம்ப் பகிரங்கமாக அறிவித்துள்ளார். அவரது இந்த அதிரடி பேச்சு, சர்வதேச அரசியலில் பெரும் பரபரப்பை ஏற்படுத்தியுள்ளது.
சில நிமிடங்களிலேயே தெரிந்துவிடும்!
ஒரு வானொலி நேர்காணலில் பேசிய டிரம்ப், “புடின் உடனான எனது சந்திப்பு வெற்றிபெறுமா இல்லையா என்பது எனக்கு ‘சில நிமிடங்களிலேயே’ தெரிந்துவிடும்,” என்று கூறி அனைவரையும் வியப்பில் ஆழ்த்தினார். “ஏனென்றால், அதுதான் நான் செய்வது – நான் ஒப்பந்தங்களை உருவாக்குகிறேன்,” என்றும் அவர் தெரிவித்தார்.
தோல்விக்கான ரகசிய குறியீடு!
சந்திப்பு தோல்வியடைந்ததற்கான உறுதியான அறிகுறியையும் டிரம்ப் வெளிப்படுத்தியுள்ளார். அவர், புடின் உடனான சந்திப்புக்கு பிறகு, டிரம்ப், புடின் மற்றும் உக்ரைன் ஜனாதிபதி ஜெலென்ஸ்கி ஆகியோர் கலந்துகொள்ளும் ஒரு முத்தரப்பு சந்திப்பு நடைபெற வேண்டும். புடின் உடனான முதல் சந்திப்பு தோல்வியடைந்தால், இந்த முத்தரப்பு சந்திப்பு நடைபெறாது. இதுவே அந்த சந்திப்பு தோல்வியடைந்ததற்கான குறியீடு என்று டிரம்ப் விளக்கினார்.
உடனடியாக நாடு திரும்புவேன்!
சந்திப்பு சரியாக அமையவில்லை என்றால், தான் உடனடியாக வாஷிங்டனுக்குத் திரும்புவேன் என்றும் டிரம்ப் அறிவித்துள்ளார். மேலும், “சந்திப்பு தோல்வியடைந்தால், ஜெலென்ஸ்கி உட்பட வேறு யாருக்கும் நான் அழைக்க மாட்டேன்” என்று அவர் கூறியது, அவரது முடிவின் கடுமையை உணர்த்துவதாக அரசியல் வல்லுநர்கள் கருதுகின்றனர். ட்ரம்பின் இந்த பேச்சு, உக்ரைன் மற்றும் ரஷ்யா இடையே அமைதி ஒப்பந்தம் ஏற்படுமா என்ற எதிர்பார்ப்பை மேலும் அதிகரித்துள்ளது.
