நடிகர் விஜய் நடிப்பில், இயக்குனர் எச். வினோத் இயக்கியுள்ள ‘ஜனநாயகன்’ திரைப்படம், ரசிகர்களிடையே பெரும் எதிர்பார்ப்பை ஏற்படுத்தியுள்ளது. சமீபத்தில் வெளியான இப்படத்தின் கிளிம்ப்ஸ் வீடியோவிற்கு கிடைத்த அமோக வரவேற்பே இதற்கு சான்று. தற்போது, இப்படத்தில் ஒரு முக்கிய வேடத்தில் நடித்துள்ள நடிகர் நரேன், தனது கதாபாத்திரம் குறித்த சுவாரஸ்யமான தகவலைப் பகிர்ந்துள்ளார்.
‘ஜனநாயகன்’ படத்தில் தான் ஒரு விஞ்ஞானியாக நடித்திருப்பதாக நடிகர் நரேன் தெரிவித்துள்ளார். இது ஒரு கெஸ்ட் ரோல் என்றாலும், மிகவும் முக்கியமானதாக இருக்கும் என்றும் அவர் கூறியுள்ளார். தனது காட்சிகளுக்கான படப்பிடிப்பை நிறைவு செய்துள்ளதாகவும் நரேன் குறிப்பிட்டுள்ளார். அவரது இந்த தகவல், ‘ஜனநாயகன்’ படத்தின் கதைக்களம் குறித்த கேள்விகளை ரசிகர்கள் மத்தியில் எழுப்பியுள்ளது.
தமிழக வெற்றி கழகம் என்ற பெயரில் அரசியல் கட்சியை தொடங்கியுள்ள விஜய், தீவிர அரசியலில் ஈடுபடப்போவதால் இதுவே அவரது கடைசி படமாக இருக்கும் என கூறப்படுகிறது. இதனால், ‘ஜனநாயகன்’ படத்திற்கு எதிர்பார்ப்பு அதிகமாக உள்ளது.
இப்படத்தில் விஜய்க்கு வில்லனாக பிரபல பாலிவுட் நடிகர் பாபி தியோல் நடித்துள்ளார். ‘பிரேமலு’ பட நடிகை மமிதா பைஜு, பிரகாஷ் ராஜ், பூஜா ஹெக்டே, பிரியாமணி, மற்றும் டிஜே அருணாச்சலம் போன்ற முன்னணி நட்சத்திரங்களும் படத்தில் இணைந்துள்ளனர்.
