மறைந்த நடிகர் விஜயகாந்த் அவர்கள், திரையுலகிலும் மக்களின் மனதிலும் நீங்கா இடம் பிடித்தவர். பொதுவாக ஒருவரின் மதிப்பு அவர் இல்லாதபோதுதான் தெரியும் என்பார்கள். அதேபோல், விஜயகாந்தின் மறைவுக்குப் பிறகு, அவரை இழந்ததற்காக பலரும் வருத்தப்படுகிறார்கள். உயிருடன் இருந்தபோது அவரை எதிர்த்தவர்கள்கூட, “இப்படி ஒரு மனிதரை நாம் இழந்துவிட்டோம்” என இப்போது உணர்ந்துள்ளனர்.
விஜயகாந்த் கண்ட அவமானம்: குஷ்பூவின் அதிர்ச்சி தகவல்
நடிகை குஷ்பூ சமீபத்தில் அளித்த பேட்டி ஒன்றில், விஜயகாந்த் குறித்து இதுவரை அறியாத சில சம்பவங்களைப் பகிர்ந்துள்ளார். ஒருமுறை நானும் விஜயகாந்தும் படப்பிடிப்புக்காக வெளியூர் சென்றோம். அங்கே இருந்த அனைவரும் இந்திக்காரர்கள். யாருமே விஜயகாந்த் அமர ஒரு நாற்காலிகூட எடுத்துப் போடவில்லை.
“இதைப் பார்த்து எனக்கு பயங்கர கோபம் வந்தது. நான் அவர்களைத் திட்டப் போனேன். ஆனால், விஜயகாந்த் என்னை தடுத்து, ‘வேண்டாம்’ என்று சொல்லிவிட்டார்,” என குஷ்பூ கூறினார்.
‘நம்மளை நம்பி 2000 குடும்பங்கள் இருக்கு’
அப்போது விஜயகாந்த், “நம்மளை நம்பி 2000 குடும்பங்கள் இருக்கு. அதனால கொஞ்சம் பொறுமையா இருங்க” என்று சொன்னதாகக் குஷ்பூ குறிப்பிட்டார்.
விஜயகாந்த் அப்படிச் சொன்னதும், அவர் மீது தனக்கு இருந்த மரியாதை இன்னும் பல மடங்கு உயர்ந்ததாகக் குஷ்பூ தெரிவித்தார். “இப்படி ஒரு மனிதரை நான் பார்த்ததே இல்லை. விஜயகாந்த் ஒரு உன்னதமான மனிதர். தமிழ் திரையுலகில் அவர் ஒரு ‘சொக்கத்தங்கம்’,” என குஷ்பூ உருக்கத்துடன் கூறினார். இந்தச் செய்தி, விஜயகாந்தின் பெருந்தன்மையை மீண்டும் ஒருமுறை உலகிற்கு எடுத்துரைக்கிறது.
